मुक्तिनाथ बैंकले गर्यो ऋण मिनाहा - Butwal Online
मुक्तिनाथ बैंकले गर्यो ऋण मिनाहा

पोखरा– मुक्तिनाथ विकास बैंक लिमिटेडको लघुवित्त डेस्क कार्यालय गगनगौंडाले स्वर्गीय विष्णुमाया गुरुङ्गको ऋण मिनाहा गरेको छ । बैंकको लघुवित्त कर्जा अन्तर्गत एक लाख ऋण लिएकी कास्कीको पोखरा लेखनाथ महानगरपालिका ३२ मजुवा निवासी गुरुङ्गको गत फाल्गुन २७ गतेका दिन निधन भएको थियो ।

गुरुङको निधनपछि बैंकले काजकिरिया खर्च बापत तत्काल ५ हजार प्रदान गर्नुका साथै दिवङ्गत गुरुङ्गले बैंकलाई तिर्न बाँकी सावा तथा व्याज ७६ हजार ८ सय ४८ रुपैयाँसमेत मिनाहा गरेको बैंकले जनाएको छ ।

स्वर्गीय गुरुङ्गले मुक्तिनाथ विकास बैंक मार्फत एक लाखको जीवन वीमा गरेकोमा उनको मृत्युपश्चात वीमा वापतको १ लाख ६ हजार १ सय बराबरको चेक निजकी हकदार छोरी कल्पना गुरुङ्गलाई मुक्तिनाथ विकास बैंक क्षेत्रीय कार्यालय पोखराका प्रमुख बाबुराम ढकाल र नेशनल लाइफ इन्स्योरेन्स कम्पनी क्षेत्रीय कार्यालय पोखराका प्रमुख केशब ढकालबाट संयुक्त रुपमा हस्तान्तरण गरिएको छ ।

बुटवल अनलाइन

लेखक बाट थप

प्रतिक्रिया

सम्बन्धित समाचार