गुल्मीको बढीगाडखोलामा व्यावसायिक जलयात्रा (¥याफटिङ ) सञ्चालन - Butwal Online

तम्घास, ४ वैशाख 

गुल्मीको पर्यटकीयस्थल बढीगाडखोलामा मङ्गलबारदेखि व्यावसायिक रुपमा जलयात्रा(¥याफटिङ )सेवा सञ्चालन गरिएको छ । मुसिकोट नगरपालिका र बढीगाड गाउँपालिकाले पर्यटन प्रवद्र्धन गर्ने उद्देश्यले झक्कले एग्रो रिसोर्ट प्रालि मुसिकोट–७ को आयोजनामा बढीगाढखोलामा व्यावसायिक रूपमा ¥याफटिङ सञ्चालन गरिएको हो ।



¥याफटिङको मङ्गलबार एक कार्यक्रमबीच उद्घाटन गर्दै श्रम, रोजगार तथा सामाजिक सुरक्षामन्त्री गोकर्ण विष्टले बढीगाढखोलामा सञ्चालन भएको ¥याफटिङले बढीगाड क्षेत्रमा पर्यटन प्रवद्र्धनमा टेवा पुग्ने बताए ।

वागलुङ जिल्लाको ढोरपाटन पछिल्लो समय पर्यटकको मुख्य केन्द्र बनेको बताउँदै मन्त्री विष्टले त्यहाँ आउने पर्यटकका लागि यो क्षेत्र मुख्य गन्तव्यको रुपमा रहने बताए ।
मुसिकोट नगरपालिका प्रमुख सोमनाथ सापकोटाले नगरपालिकासँगै यस क्षेत्रमा पर्यटक भित्र्याउने मुख्य उद्देश्यका साथ नै ¥याफटिङ सेवालाई संयुक्तरूपमा सञ्चालन गरिएको बताए ।

मङ्गलबारबाट विधिवत् र व्यावसायिक रूपमा शुरु गरिएको व्यावसायिक ¥याफटिङ सेवाले यस क्षेत्रको पर्यटन प्रवद्र्धनमा ठूलो परिवर्तन आउने स्थानीयवासी अर्जुन सापकोटाले जानकारी दिए । बढीगाडमा ¥याफटिङ सञ्चालनका लागि त्रिशूली नदीका ¥याफटिङ व्यवसायी मानध्यव गुरुङसहितको टोलीले सेवा प्रवाह गर्ने भएको छ । उक्त सेवा प्रवाह गरेवापत प्रतिव्यक्ति रु ८५० शुल्क तोकिएको झक्कले रिसोर्टका व्यवस्थापक अनिश गैरेले जानकारी दिए । रासस

रासस

बुटवल अनलाइन रासस को ग्राहक हो

लेखक बाट थप

प्रतिक्रिया

सम्बन्धित समाचार