Trending
  • कृषकलाई अनुदानमा ६० लाखको कृषि औजार वितरण - Butwal Online

    रुकुम पश्चिम, २५ जेठ :  चौरजहारी र सानीभेरी गाउँपालिकाका कृषकलाई कृषि औजार वितरण गरिएको छ ।



    प्रधानमन्त्री कृषि आधुनिकीकरण परियोजना कार्यान्वयन एकाइ तरकारी र तरकारीको बीउ जोनले दुई स्थानीय तहका कृषकलाई ५० प्रतिशत अनुदानमा रू ६० लाख बराबरका कृषि औजार वितरण गरेको हो ।

    दुई स्थानीय तहका कृषि समूह तथा कृषि सहकारीलाई १८ वटा मिनी टेलर, ६१ वटा स्प्रे ट्याङ्की र २५० वटा तरकारीको बीउ ओसाउने पङ्खा वितरण गरिएको हो ।

    त्यसैगरी तरकारीको बिरुवा रोप्ने र ड्याङ बनाउने एक–एक थान उपकरण र बीउ स्टोर गर्ने ३५ वटा उपकरण पनि वितरण गरिएको जोन कार्यक्रमका वरिष्ठ कृषि अधिकृत महेश चन्दले जानकारी दिए । चौरजहारी नगरपालिकाका उपप्रमुख राधा रोकाले उक्त सामग्री कृषकलाई हस्तान्तरण गरेका हुन् ।

    रासस

    बुटवल अनलाइन रासस को ग्राहक हो

    लेखक बाट थप

    प्रतिक्रिया

    सम्बन्धित समाचार