घरमा परेको चट्याङबाट बाँकेको भीषण आगलागी, ३९ घरगोठ जले - Butwal Online

नेपालगन्ज, २९ जेष्ठ । बाँकेको डुडुवा गाउँपालिका–१ छोट्की चौफेरीमा आज भीषण आगलागी भएको छ । आगलागीबाट ३९ वटा घरगोठ जलेर नष्ट भएको छ ।

फाइल तस्बिर

विहान सवा १० बजेतिर रामखेलाउन यादवको घरमा परेको चट्याङबाट आगलागी भएको बाँकेका डिएसपी प्रकाश सापकोटाले जानकारी दिय । चट्याङ लागेर यादवकी १६ बर्षीया छोरी नन्कु गम्भीर घाइते भएका छन् । फुसले छाएका घर र तीब्रगतिमा चलेको हावाहुरीका कारण आगोले छोट्की चौफेरीका सबै घरगोठ जलेका छन् ।

आगलागीबाट मानविय क्षती नभएपनि अन्नपात, भाडावर्तन, लत्ताकपडा जलेर नष्ट भएको छ । आगलागीबाट करिव ४० लाखको नोक्सानी भएको प्रहरीले जनाएको छ । सबै घरगोठ जलेपछि आगो आफै नियन्त्रणमा आएको स्थानीयले बताए ।

बुटवल अनलाइन

लेखक बाट थप

प्रतिक्रिया

सम्बन्धित समाचार