बर्दिया कारागारमा क्षमताभन्दा बढी कैदी - Butwal Online

धम्बोझी, ७ भदौ । बर्दियाको कारागारमा क्षमताभन्दा बढी कैदी भएपछि कैदी बन्दीलाईसँगै जेल प्रशासनलाई पनि व्यवस्थापनको समस्या भएको छ ।



जिल्लाको एकमात्र कारागारमा १०० पुरुष र २५ महिला गरी १२५ को क्षमता रहे पनि अहिले २६० पुरुष र १२ महिलासहित २७२ कैदीबन्दी रहेका छन् ।

जिल्ला कारागार बर्दियाका निमित्त जेलर डिल्ली पौडेलले कारागारको भवन पुरानो र क्षमताभन्दा बढी कैदीबन्दी हँुदा व्यवस्थापन गर्न समस्या भइरहेको बताए । उनले भने, “बर्दिया जिल्लामा घर भएका कैदी अन्यत्र जान नचाहेकाले पनि क्षमताभन्दा बढी कैदीबन्दी राख्दा समस्या आएको छ ।’’

कारागारको क्षमताभन्दा बढी कैदी बन्दी हुँदा आफूहरुले अनेक समस्या झेल्नु परेको बन्दीको गुनासो छ । क्षमताभन्दा बढी कैदी बन्दी भएपछि शौचालय, विद्युत्, खानेपानी र स्वास्थ्योपचारमा समस्या हुने गरेको कारागारका बन्दी सुमन थारुले बताए । उनले भने, ‘‘शौचालय जानसमेत पालो पर्खनु परेको छ । पर्याप्त पानी नहुँदा दुर्गन्ध फैलने गर्दछ ।’’

रासस

बुटवल अनलाइन रासस को ग्राहक हो

लेखक बाट थप

प्रतिक्रिया

सम्बन्धित समाचार