अष्ट्रेलिया गएर पढ्न चाहाने विद्यार्थीका लागि सेमिनार कोसेढुंगा सावित हुन्छ– कंडेल - Butwal Online

एक्सपर्ट एजुकेशन एण्ड भिजा सर्भिसेस प्रालिले अष्ट्रेलिया अध्ययन गर्न जान चाहाने बिद्यार्थीहरुलाई उपयोगी हुने गरी भाद्र २५ गते बुटवलको अम्रपाली कटेजमा सेमिनारको आयोजना गरेको छ । बिहान ११ देखि अपरान्ह चार बजे सम्म हुने शैक्षिक सेमिनारका बिषयमा Expert Education & Visa Services सदस्य रोशन कंडेल संग गरिएको कुराकानी ।



एक्सपर्टले यो सेमिनार आयोजना गर्नुको उद्देश्य के हो र ?
हामीले हरेक बर्ष दुई तीन पटक यस्ता खालका एजुकेशन सेमिनार आयोजना गर्ने गर्छौं । यसको मुख्य उद्देश्य भनेको जो विद्यार्थीहरु अष्ट्रेलिया गएर उच्च शिक्षा अध्ययन गर्न चाहनु हुन्छ, उहाँहरु सकभर आफ्ना अभिभावक समेत लिएर सेमिनारमा आउनु होस् र अष्ट्रेलियाका विभिन्न युनिभर्सिटी र कलेजका प्रतिनिधिलाई भेटेर र प्रत्यक्ष कुराकानि गरेर आफुले पढ्न चाहेको युनिभर्सिटी, विषय, फि, अध्ययन सकेपछिको करिअर इत्यादी बारे जानकारी लिन सक्नुहोस् ।

यस सस्थाका प्रमुख बद्री अर्याल लगायत उहाको माइग्रेसन समुहले विद्यार्थी र अभिभावकलाई भेटेर अष्ट्रेलियाको विद्यार्थी जीवन, त्यहाँका अवसर र चुनौति, अध्ययन सकिएपछिको करियर लगायतबारे आफ्नो दशकौं लामो अनुभव सेयर गर्नु हुने छ । त्यसबाहेक हामीले बैंकका प्रतिनिधिहरुलाई सेमिनारमा बोलाएर शैक्षिक ऋण लिने प्रकृयाबारे पनि जानकारी गराउने व्यवस्था मिलाएका छौं ।

यस पटकको सेमिनार अघिल्ला सेमिनारहरु भन्दा के हिसावले भिन्न रहेको छ र ?
अष्ट्रेलिया एउटा गतिशिल मुलुक हो । त्यहाँको शैक्षिक नीतिमा समय समयमा परिवर्तन आईरहन्छ । हाम्रो अस्ट्रेलियामा ९ कार्यालय २०० जना कर्मचारी, करिब ५०००० बिधार्थी सहितको ठुलो समुह छ यि सबैले अष्ट्रेलियामा नै बसेर ति परिवर्तनलाई नजिक बाट नियालिरहेका हुन्छन । यस पटक सेमिनारमा पनि हाम्रो अस्ट्रेलिया बाट आउने करिब १५ जनाको समुह ले कतिपय त्यस्ता परिवर्तनहरु बारे विद्यार्थी तथा अभिभावकहरुलाई जानकारी गराउनु हुनेछ । त्यस बाहेक हामीले प्राय सेमिनारहरुमा फरक फरक युनिभर्सिटी तथा कलेजका प्रतिनिधिहरुलाई ल्याउने गर्दछौं ।

उहाँहरुले नेपाली विद्यार्थीहरुको शैक्षिक योग्यता, आर्थिक क्षमता, व्यक्तिगत रुचि लगायतलाई ध्यानमा राखेर अध्ययनका उपयुक्त विकल्पहरुको बारेमा जानकारी गराउनु हुन्छ । साथै, नेपाली विद्यार्थीहरुका लागि घोषणा गरिएका एक्सक्लुसिभ स्कलरशिपका बारेमा पनि यस सेमिनारमा सहभागीहरुले जानकारी लिनुहुनेछ । हामीले यस पटक सेमिनारमा ल्याएका शैक्षिक संस्थाहरु छान्दा अधिकांश नेपाली विद्यार्थीलाई उपयुक्त हुने खालका चयन गरेका छौं ।

सिड्नी, मेलवर्न लगायतका प्रमुख शहरहरुमा अध्ययनका लागि पछिल्लो समय विद्यार्थीहरुले भिसा नपाईरहेको भन्ने चर्चा सत्य हो ?
त्यो, सत्य होइन । हो अष्ट्रेलियाले रिजनल एरियाहरुमा विद्यार्थीहरुलाई आकर्षित गर्न विभिन्न नितिहरु ल्याएको छ । तर, यसको अर्थ सिड्नी, मेलवर्न लगायतका प्रमुख शहरहरुमा विद्यार्थीहरुलाई रोकेको हैन । राम्रो शैक्षिक नतिजा र आइएलटिएस लगायतका टेष्टहरुमा राम्रो अंक ल्याएका विद्यार्थीहरुलाई ति शहरहरुमा जान कुनै समस्या छैन । नेपालका विभिन्न शहर स्थित हाम्रा कार्यालयहरुबाट सेवा लिएर अहिले पनि उल्लेख्य संख्यामा विद्यार्थीहरु त्यहाँ गइरहनु भएको छ ।

अष्ट्रेलिया अध्ययन गर्न गएका विद्यार्थीहरुलाई त्यहाँ कस्ता अवसर र चुनौतिहरु छन् र?
अष्ट्रेलिया गुणस्तरिय शिक्षाका लागि विश्वभर प्रख्यात मुलुक हो । विश्वका उत्कृष्ट एक सयको सुचिमा परेका विश्वविद्यालयहरु केही अष्ट्रेलियामा रहेका छन् । वास्तवमै गुणस्तरिय शिक्षा प्राप्तिको उद्देश्य लिने विद्यार्थीहरुले अध्ययन पछि त्यहाँ निक्कै राम्रा अवसरहरु प्राप्त गरेको थुप्रै उदाहरणहरु छन् । कतिपय मेहनति नेपाली विद्यार्थी अध्ययन सकेर त्यहाँका बहुराष्टिय कम्पनिहरुमा उच्च पदमा काम गरिरहेका छन् । कतिपयले आफ्नै व्यापार व्यवसाय सफल रुपमा संचालन गरिरहेका छन् । कतिपयले अध्ययन पुरा गरेर नेपाल फर्किएर विभिन्न क्षेत्रमा सफल व्यक्तिका रुपमा आफुलाई स्थापित गरिरहेका छन् ।

चुनौतिको कुरा गर्दा के देखिन्छ भने कतिपय विद्यार्थीहरु पर्याप्त सुचना विना अष्टेलिया पुगेका छन् । जसका कारण उनीहरुलाई अध्ययन सक्न गाह्रो परिरहेको देखिन्छ । कतिपय विद्यार्थीहरुले कलेज तथा विषयहरु परिवर्तन गरेर धेरै बर्ष समय र धेरै ठुलो रकम यत्तिकै खेर फाल्ने प्रवृत्ति पनि देखिन्छ । साथै, नेपालबाट जाँदा कामको कुनै ठोस सिप विना जाने विद्यार्थीहरुले पनि त्यहाको सरकारले काम गर्न दिएको निश्चित सुविधाको पनि राम्रो उपयोग गर्न नसकेको स्थिति पनि रहेको छ ।

अष्ट्रेलिया अध्ययनमा जान चाहने विद्यार्थीलाई त्यस्ता समस्याबाट जोगिन के सुझाव दिनु हुन्छ र ?
हाम्रो मुख्य सुझाव के हुन्छ भने आफ्नो रुचिको विषय, आफुले अध्ययन गर्न लागेको शैक्षिक संस्था, जान मन लागेको स्थानबारे पर्याप्त रिसर्च गर्नुहोस् । त्यो आफ्नो आर्थिक क्षमताले भ्याउने खालको छ वा छैन भन्ने बारे परिवारमा प्रसस्त छलफल गर्नुहोस् । अभिभावकहरुले पनि आफ्ना छोराछोरी अष्ट्रेलिया जान लागेको तत्काल कमाई गर्न होइन, अध्ययनका लागि हो भन्ने बुझ्नु पर्दछ । राम्ररी अध्ययन गरि सकेपछि आफ्नो सम्वन्धित क्षेत्रमा गतिलो रोजगारी वा आफ्नै व्यवसाय गरेर आय आर्जनको राम्रो बाटो बन्नेछ भन्ने कुरामा परिवारले विषेश ध्यान दिन हामी सुझाब दिन्छौ ।

अष्ट्रेलिया अध्ययन गर्न एक्सपर्ट मार्फत नै किन जाने र ?
राम्रो प्रश्न । हामी डेढ दशक भन्दा बढी समयदेखि अष्ट्रेलिया केन्द्रीत शैक्षिक परामर्शको सेवा प्रदान गरिरहेका छौं । यस अवधिमा हामीले विश्वका विभिन्न देशहरुबाट करिव पचास हजार विद्यार्थीलाई अष्ट्रेलिया अध्ययनमा जान सेवा प्रदान गरिसकेका छौं । हामीले अष्ट्रेलिया अधिकांश विश्वविद्यालय तथा कलेजहरु बाट गुणस्तरिय सेवाका लागि अवार्डहरु प्राप्त गरेका छौं । हामीले बिश्वास कमाएका छौं ।
अष्ट्रेलियाका प्रमुख आठवटा शहरमा हाम्रा कार्यालयहरु रहेका छन्, जहाँ ठूलो संख्यामा दक्ष शैक्षिक परामर्शदाता, माइग्रेसन एजेन्ट तथा सोलिसिटरहरु हाम्रो टीममा हुनुहुन्छ ।

नेपालको पुर्वको विर्तामोड देखि पश्चिमको धनगढीसम्म छरिएर रहेका हाम्रा कार्यालयहरुमा उत्तिकै दक्ष जनशक्तिहरुले विद्यार्थीहरुलाई हाम्रो नाम जस्तै एक्सपर्ट सेवा प्रदान गरिरहनु भएको छ । हामी विद्यार्थीहरुलाई अष्ट्रेलिया अध्ययनलाई पठाउनेमा मात्र होइन, उहाँहरुको अध्ययन पश्चातको करियरको योजना बनाउन पनि केन्द्रित रहन्छौं । अष्ट्रेलिया गईसकेपछि विद्यार्थी जीवनमा आइपर्ने उतार चढावमा हामी असल सहयात्री बन्ने गरेका छौं ।

एक्सपर्टले अष्टेलियामा अध्ययनका लागि मात्र परामर्श दिन्छ कि अन्य मुलुकका लागि पनि परामर्श दिने गरेको छ ?
हामी पछिल्लो डेढ दशकभन्दा बढी समय अष्ट्रेलियामा मात्र केन्द्रित रह्यौं । हालैमात्र हामीले क्यानडा जान चाहने विद्यार्थीका लागि पनि परामर्श सेवा सुरु गरेका छौं । यस पटक हाम्रो सेमिनारमा विद्यार्थीहरुले क्यानडामा अध्ययनबारे पनि उचित परामर्श लिन सक्नुहुन्छ ।

एक्सपर्ट शैक्षिक परामर्शमा मात्र केन्द्रित छ कि सामाजिक कार्यहरुमा पनि संलग्न छ र ?

हामीले एक्सपर्ट फाउन्डेसन नामक संस्था मार्फत भुकम्प प्रभावित, बाढी पिडीत क्षेत्रका बासिन्दाका लागि विद्यालय भवन निर्माण देखि लाखौं रुपैयाँ बरावरको राहत प्रदान गर्नेसम्मका कार्यहरु गरिसकेका छौं । त्यस्तै विराटनगरस्थित पाथिभरा बृद्धाश्रमलाई पनि उल्लेख्य आर्थिक सहयोग प्रदान गरेका छौं । यस बाहेक नेपाली खेलकुद खासगरी कृकेट खेलको विकास तथा प्रवद्र्धनमा हामीले पछिल्लो पाँच बर्ष यता गरेको कार्यका लागि विभिन्न क्षेत्रबाट हामीहरुले उल्लेख्य प्रशंसा प्राप्त गरेका छौं ।

बिधार्थी भाइ बैनीको ब्यक्तित्व एबम नेतृत्व बिकाश हुने खालका बिविन्न प्रकारका कार्याक्रमहरु देश ब्यापी सन्चालन गर्ने गरेका छौ, त्यस अन्तर्गतको हाम्रो कार्याक्रम EXPERT QUIZ पनि हो हाम्रो QUIZ अन्य QUIZ भन्दा फरक प्रकारको जस्को फाइनल रुपन्देही मा हामी केहि महिनामा गर्दै छौ । नेपाली समाज लाभान्वित हुने यस्ता खालका सहयोगहरु हामीले आउने दिनमा अझ बढाउदै लैजान हामी प्रतिबद्ध छौं ।

बुटवल अनलाइन संवाददाता

लेखक बाट थप

प्रतिक्रिया

सम्बन्धित समाचार