प्रदेश नम्बर ५ : दुइटा विधेयक ३ दिनभित्र संशोधनका लागि पेश

बुटवल, ८ चैत । प्रदेश नम्बर ५ प्रदेश सभाको तेस्रो अधिवेसन अन्तर्गतको दोस्रो बैठक आजमा दुई वटा विधेयक ७२ घण्टा भित्र संसोधनका लागि पेश गरिएको छ ।

प्रदेश नं. ५ जाँचबुझ आयोगको गठन तथा काम, कर्तव्य र अधिकारको सम्बन्धमा बनेको विधेयक र प्रदेश नं. ५ संघ संस्थाहरुको दर्ता सम्बन्धमा व्यवस्था गर्न बनेको विधेयक संसोधनका लागि पेश गरिएको हो । दुवै विधेयकलाई सभामुख पुर्ण बहादुर घर्तिले सभामा विचार गरियोस भन्ने प्रस्ताव पेश गरेका थिए । विचार गरियोस भन्ने प्रस्ताव सर्वसहमतले पास भएपछि सैद्धान्तिक छलफलमा लगिएको थियो ।
जाँचबुझ विधेयकको सैद्धान्तिक छलफलमा सांसद तिलकराम शर्मा, दिपा विश्वकर्मा, बावुराम गौतम र फकरुद्दिन खानले भाग लिएका थिए । उनीहरुले जाँचबुझ आयोगका सदस्यको योग्यता र घटनाको अनुसन्धान गर्दा प्रभावित नहुने गरी जाँचबुझ्न गर्न सुझाव दिएका थिए । त्यस्तै संघ संस्था दर्ता सम्बन्धी बनेको विधेयकमा चेत नारायण आचार्य, कमला वि.क र युवराज खनालले छलफलमा भाग लिएका थिए । उनीहरुले विधेयकको स्वागत गरे । त्यस अघि संसदको विशेष समय लिएर सांसद उत्तरकुमार वली र भोज प्रसाद श्रेष्ठले सरकारको ध्यानआर्कषण गराएका थिए । छलफलपछि आर्थिक मामिला तथा कानुन मन्त्री कुल प्रसाद केसीले जवाफ दिएका थिए ।
संसदमा बोल्दै सांसद भोज प्रसाद श्रेष्ठले बैंकले अनावश्यक व्याजदर बृद्धि गर्दा उद्योगीहरु धरासयी बन्न लागेको बताउँदै त्यसको असर प्रदेशको समृद्धिमा पर्ने बताए ।
त्यसैगरी सांसद उत्तरकुमार वलीले प्रदेशमा हुने जुनसुकै घटनामा घटनापछिको उद्दारका लागि सरकार गम्भिर बन्नुपर्ने बताए ।
त्यस्तै बैठकमा तीनवटा विधेयकहरु छलफलका लागि पेश भएका छन् । प्रदेश नम्बर ५ अन्त्र प्रदेश बासिन्दा समान सुरक्षा, व्यवहार र सुविधा सम्बन्धमा व्यवस्था गर्न बनेको विधेयक, प्रदेश नम्बर ५ प्रदेश प्रसारण सम्बन्धमा व्यवस्था गर्न बनेको विधेयक र प्रदेश नम्बर ५ प्रशासकीय कार्य्विधि (नियमित गर्ने ) सम्बन्धमा व्यवस्था गर्न बनेको विधेयक बैठकमा पेश भएका हुन । संसदको अर्को बैठक भोली पुस ९ गते दिउसो १ बजे बस्दै छ ।

भर्खरै प्रकाशित

स्वतन्त्र पत्रकार संघ नेपाल रुपन्देहीको अध्यक्षमा अनिल पहाडि निर्वाचित

बुटवल, ५ माघ । स्वतन्त्र पत्रकार संघ नेपाल रुपन्देहीको तेस्रो जिल्ला अधिबेशनबाट अध्यक्षमा अनिल पहाडि निर्वाचित भएका छन् । बुटवलमा भएको अधिबेशनबाट उपाध्यक्षमा चक्रमणी डुम्रे,…

रक्तदान कार्यक्रम सम्पन्न

बुटवल, ५ माघ । समाबेशी टोल विकास संस्था बुटवल ९ को आयोजनमा रक्तदान कार्यक्रम सम्पन्न भएको छ । रगतको अभाव हुन नदिन संस्थाले रक्तदान कार्यक्रमको…

मोतिपुरमा बन्न लागेको मोतिपूर औद्योगिक क्षेत्रप्रति स्थानीयको विरोध

बुटवल, माघ १२ । सरकारले मोतिपुरमा बन्न लागेको मोतिपूर औद्योगिक क्षेत्रले आफूहरूलाई विस्थापित गर्ने भन्दै त्यसको स्थानीयले विरोध गरेका छन् । १० वर्ष अगाडि आफूहरूसँग…

सरकार भुमिहिन अब्यवस्थीत र सुकुम्वासीका समस्याको स्थायी समाधानमा लागेको छ…

बुटवल, ५ माघ । भुमि ब्यवस्था, सहकारी तथा गरिवी निवारण मन्त्री पद्मा अर्यालले सरकार भुमिहिन अब्यवस्थीत र सुकुम्वासीका समस्याको स्थायी समाधानमा लागेको बताएकी छन् ।…

नवलपरासीमा दुई दिन भित्र चिनि मिल संचालन गर्न कृषक समितिको…

सहबान अन्सारी नवलपरासी, माघ ५। नवलपरासी बर्दघाट सुस्ता पश्चिम उखु क्रसिगं समय करिब दुई महिना बितिसक्दा पनि अहिले सम्म मिल संचालनमा आऊन सकेकै छैन ।…