बुटवलस्थित न्यू होराइजनमा खेल सप्ताह सुरू

बुटवल, पुस २४ । बुटवलस्थित न्यू होराइजन माध्यामिक विद्यालयमा मंगलबारदेखि खेल सप्ताह सुरू भएको छ । विद्यार्थीहरूको अन्तरनिहीत प्रतिभा प्रस्फूटन गराउने उद्देश्यले विगतका वर्षहरूमा जस्तै यस वर्ष पनि विद्यालयले ‘स्पोर्टस् मिट’ आयोजना गरेको हो । बुटवल–११ देवीनगरस्थित एन्फा टेक्निकल सेन्टरमा आयोजित स्पोर्टस् मिटरमा १० वटा विभिन्न खेलमा विद्यार्थीहरूबीच प्रतिष्पर्धा हुनेछ ।

कार्यक्रमको उद्घाटन सत्रमा बोल्दै विद्यालयका प्राचार्य लोकनाथ उपाध्यायले विद्यार्थीहरू अनुशासित भएर खेल खेल्नुपर्ने बताए । उनले विद्यार्थीको पढाईसँगै खेलकुदमा पनि रुचि आवश्यक रहेको बताए । कार्यक्रममा विद्यालयका अध्यक्ष ज्ञानेन्द्र कसजूले होराइजनका विद्यार्थीहरू सबै क्षेत्रमा अब्बल रहेको र हुने विश्वास पनि व्यक्त गरे ।
उद्घाटन सत्रमा विद्यालयका उपप्राचार्य बालकृष्ण पन्थी, जिल्ला फुटबल संघ रुपन्देहीका महासचिव लोकबहादुर पुन शिक्षक कल्पना कुशुम लगायतले बोलेका थिए । खेल अवधिभर विभिन्न दौड, लमजम्प, हाइजम्प, सटपुट ज्याब्लिङ थ्रो, कवर्डी, भलिबल, बास्केटबल र टेबलटेनिस लगायतको खेलहरू हुने खेल संयोजक बालकृष्ण बस्यालले जानकारी दिए ।
मंगलबार ४ तहमा विभाजन गरी दौड प्रतियोगिताहरू भएका छन् । कक्षा २ देखि ४ सम्म, ५ र ६, ७ र ८, र ९ र १० कक्षामा विभाजन गरी खेल भएको शिक्षक प्रकाश खनालले जानकारी दिए । प्रतियोगितामा विजेता विद्यार्थीलाई पुरस्कार समेत वितरण गरिएको थियो ।

भर्खरै प्रकाशित

स्वतन्त्र पत्रकार संघ नेपाल रुपन्देहीको अध्यक्षमा अनिल पहाडि निर्वाचित

बुटवल, ५ माघ । स्वतन्त्र पत्रकार संघ नेपाल रुपन्देहीको तेस्रो जिल्ला अधिबेशनबाट अध्यक्षमा अनिल पहाडि निर्वाचित भएका छन् । बुटवलमा भएको अधिबेशनबाट उपाध्यक्षमा चक्रमणी डुम्रे,…

रक्तदान कार्यक्रम सम्पन्न

बुटवल, ५ माघ । समाबेशी टोल विकास संस्था बुटवल ९ को आयोजनमा रक्तदान कार्यक्रम सम्पन्न भएको छ । रगतको अभाव हुन नदिन संस्थाले रक्तदान कार्यक्रमको…

मोतिपुरमा बन्न लागेको मोतिपूर औद्योगिक क्षेत्रप्रति स्थानीयको विरोध

बुटवल, माघ १२ । सरकारले मोतिपुरमा बन्न लागेको मोतिपूर औद्योगिक क्षेत्रले आफूहरूलाई विस्थापित गर्ने भन्दै त्यसको स्थानीयले विरोध गरेका छन् । १० वर्ष अगाडि आफूहरूसँग…

सरकार भुमिहिन अब्यवस्थीत र सुकुम्वासीका समस्याको स्थायी समाधानमा लागेको छ…

बुटवल, ५ माघ । भुमि ब्यवस्था, सहकारी तथा गरिवी निवारण मन्त्री पद्मा अर्यालले सरकार भुमिहिन अब्यवस्थीत र सुकुम्वासीका समस्याको स्थायी समाधानमा लागेको बताएकी छन् ।…

नवलपरासीमा दुई दिन भित्र चिनि मिल संचालन गर्न कृषक समितिको…

सहबान अन्सारी नवलपरासी, माघ ५। नवलपरासी बर्दघाट सुस्ता पश्चिम उखु क्रसिगं समय करिब दुई महिना बितिसक्दा पनि अहिले सम्म मिल संचालनमा आऊन सकेकै छैन ।…