प्रदेश ५ मा खरिद गरीएका सवारी साधनमा भएको अनियमितता पत्ता लगाउन ३ सदस्यीय समिति गठन

बुटवल, २७ पुस । प्रदेश ५ प्रदेशसभा सचिवालयका लागि खरिद गरीएका सवारी साधनमा भएको अनियमितता बारे प्रारम्भिक छलफल गर्न सार्वजनिक लेखा समितीले ३ सदस्यीय समिति गठन गरेको छ ।


प्रदेशसभाका बिभिन्न समितीका संयोजक र संसदिय दलका मुख्य सचेतकहरुका लागि खरिद गरीएका सवारी साधनमा आर्थिक चलखेलको समाचार सार्वजनिक भए पछि विहिबार बसेको सार्वजनिक लेखा समितीले ३ सदस्यीय समिति गठन गरेको हो । नेकपाका कुल प्रसाद पोखरेलको संयोजकत्व रहेको समितिमा नेपाली कांग्रेसका बैजनाथ कलवार र राष्ट्रिय जनता पार्टीका सांसद कल्पना पाण्डे रहेका छन् । समितिलाई ७ दिन म्याद दिइएको समितिका सभापती डिल्ली बहादुर चौधरीले बताए ।गठित उपसमितिले मन्त्रालय र सचिबालय बाट प्राप्त फाईलहरुको प्रारम्भिक छलफल गर्नेछ । गठित उपसमितिले फाईल अध्ययान पछि समितिको पुर्ण बैठकमा लगी पुन छलफल गरिनेछ उपसमितिका संयोजक कुल प्रसाद पोखरेलले बताए ।
एकै कम्पनीबाट किनेका एकै प्रकारका सवारीसाधनको मूल्य मन्त्रालय अनुसार फरक पाइएपछि समितिले मन्त्रालयबाट कागजात मगाएको हो । एउटा गाडीमा ३ लाख ४० हजारदेखि ४ लाख ४४ हजार रुपैयाँ सम्म मूल्यमा फरक देखिएको छ । प्रदेशसभा सचिवालयले उपसभामुखसहित विषयगत समिति सभापतिका लागि १३ टाटा स्ट्रोम भीएस फोर हवील गाडी खरिद गरेको छ ।

ती गाडी उपसभामुख र ८ विषयगत समिति सभापतिका साथै सचिवले प्रयोग गरेका छन् । टाटा कम्पनीको नेपाल विक्रेता सिप्रदी ट्रेडिङ कम्पनीमार्फत खरिद गरिएका हुन । प्रतिगाडी ७१ लाख ९४ हजार ९ सय ९९ रुपैयाँमा सम्झौता गरिएको छ । भूमि व्यवस्था, कृषि तथा सहकारी मन्त्रालयले पनि टाटाको स्ट्रोम गाडी खरिद गरेको छ । उत्पादन कम्पनी, उत्पादन मिति र मोडल एकै भए पनि मन्त्रालयले खरिद गरेको गाडीको मूल्य ७२ लाख ९९ हजार रुपैयाँ छ । उस्तै प्रकृतिको गाडी सामाजिक विकास मन्त्रालयले भने ७२ लाख ४२ हजारमा किनेको छ । समितिको अर्को बैठक माघ ४ गते दिउसो १ बजेका लागि बोलाइएको छ ।
सभापतीले गरे सवारी फिर्ता
यता सार्वजनिक लेखा समितिका सभापती डिल्ली बहादुर चौधरीले आफुले चढ्दै गरेको सवारी साधन प्रदेश सभा सचिबालको जिन्सी शाखामा बुझाएका छन् । आफुले चढेको गाडिमा आर्थिक अनियमितता भएको भन्दै उनले चढ्दै गरेको लु १ झ ४४१ नम्बरको गाडि फिर्ता गरेका हुन ।

भर्खरै प्रकाशित

स्वतन्त्र पत्रकार संघ नेपाल रुपन्देहीको अध्यक्षमा अनिल पहाडि निर्वाचित

बुटवल, ५ माघ । स्वतन्त्र पत्रकार संघ नेपाल रुपन्देहीको तेस्रो जिल्ला अधिबेशनबाट अध्यक्षमा अनिल पहाडि निर्वाचित भएका छन् । बुटवलमा भएको अधिबेशनबाट उपाध्यक्षमा चक्रमणी डुम्रे,…

रक्तदान कार्यक्रम सम्पन्न

बुटवल, ५ माघ । समाबेशी टोल विकास संस्था बुटवल ९ को आयोजनमा रक्तदान कार्यक्रम सम्पन्न भएको छ । रगतको अभाव हुन नदिन संस्थाले रक्तदान कार्यक्रमको…

मोतिपुरमा बन्न लागेको मोतिपूर औद्योगिक क्षेत्रप्रति स्थानीयको विरोध

बुटवल, माघ १२ । सरकारले मोतिपुरमा बन्न लागेको मोतिपूर औद्योगिक क्षेत्रले आफूहरूलाई विस्थापित गर्ने भन्दै त्यसको स्थानीयले विरोध गरेका छन् । १० वर्ष अगाडि आफूहरूसँग…

सरकार भुमिहिन अब्यवस्थीत र सुकुम्वासीका समस्याको स्थायी समाधानमा लागेको छ…

बुटवल, ५ माघ । भुमि ब्यवस्था, सहकारी तथा गरिवी निवारण मन्त्री पद्मा अर्यालले सरकार भुमिहिन अब्यवस्थीत र सुकुम्वासीका समस्याको स्थायी समाधानमा लागेको बताएकी छन् ।…

नवलपरासीमा दुई दिन भित्र चिनि मिल संचालन गर्न कृषक समितिको…

सहबान अन्सारी नवलपरासी, माघ ५। नवलपरासी बर्दघाट सुस्ता पश्चिम उखु क्रसिगं समय करिब दुई महिना बितिसक्दा पनि अहिले सम्म मिल संचालनमा आऊन सकेकै छैन ।…