बुटवल, बुटवल उपमहानगरपालिकाको मतगणना स्थलमा सिसि टिभी र फलामको तारजाली लगाइएको छ ।
वैशाख ३० मा हुने स्थानीय तह निर्वाचको मतगणना गर्ने ठाउँमा मतको सुरक्षाका लागि फलामको तारजाली लगाइएको बुटवल उपमहानगरपालिकाका निर्वाचन अधिकृत लेखनाथ पौडेलले बताए । बुटवल उपमहानगरपालिकाको पुरानो भवनमा मतगणना गर्ने व्यवस्था मिलाइएको छ ।
उनका अनुसार गणनास्थलमा चौविसै घण्टा विद्युत र इन्टरनेटको सुविधा उपलब्ध हुनेछ । त्यस्तै मतगणना स्थलमा ८ वटा सिसिटिभी जडान गरिएका छन् ।
बुटवल उपमहानगरपालिकामा ९० हजार ६५ मतदाता रहेका छन् ।
