गुल्मी जिल्लाको अर्बेनीमा पिता स्वर्गीय दयाराम न्यौपाने र माता योगमाया न्यौपानेको कोख बाट जन्मिएका डी आर न्यौपाने सुर्य साहित्यमा रुचि राख्छन । रुपन्देहीको तिलोत्तमा नगरपालिका वडा नम्बर १ मा स्थायी बसोबास भएका न्यौपाने हाल रोजगारिको शिलशिलामा दक्षिण कोरिया छन् ।
बिदेशी भुमिमा आफ्नो कर्म सकाइसकेपछि साहित्यिक रचना गर्ने उनको बानी छ । कबिता, गजल ,मुतmक गरि उनले अहिले सम्म ९०० को हाराहारीमा रचना गरेका छन् । बिदेशमा बसे पनि देशको चिन्ताले सताउने उनी बताउछन् । आगामी दिनमा छिट्टै बिभिन्न बिधाका रचना समेटेर पुस्तक प्रकााशन गर्ने उनको योजना छ ।
उनै रचनाकार डी आर न्यौपाने सुर्य ले दक्षिण कोरियाबाट बुटवल अनलाइर्नका लागी कोर्नु भएका यी चार गजल।
गजल १
कोही जग्गा जमिन हेरी कसैले ठूलो घर संग ।
धेरैले प्रेम साटेको देखें आफ्नै रहर संग ।।
हिजोको भद्र मान्छे नै अचेल पागल देखेको छु ,
यसैकारण डराएको हुँ मायाको असर संग ।।
के को आधारमा तिमी मलाई प्यासी हो भन्यौं ,
म कैले पो भोकाएको थिएँ तिम्रो अधर संग ।।
गलत के सत्य के केही नबुझ्ने मान्छेले मात्रै ,
सधैंभर् दुश्मनी राख्छन् अरुको जात र थर संग ।।
तिमी खुट्टा समाउ मैले शिखर पछ्याउँदै गर्छु ,
नसोचे सूर्य आजित हुन्छ जीवनको सफर संग ।।
गजल २
सोचेनन् नेताले जनता बारे सत्य यही हो ।।
राष्ट्र लुटे सम्पती थुपारे सत्य यही हो ।।
प्रजातन्त्र लोकतन्त्र गणतन्त्र आखिर किन ,
आफ्नो सत्ता लिन जनता मारे सत्य यही हो।।
पख्नुस ठुलाको सिको गर्न हतार नगर्नुस्,
मै हुँ भन्नेले नियम बिगारे सत्य यही हो ।।
छिमेकको बिरोध गरि देशभक्त बन्नेहरु ,
अचेल भाुछन् उनैका सुसारे सत्य यही हो ।।
राष्ट्र सपार्छु भन्दै जो जो ले कुर्सी समाए ,
देशको मामिलामा सबै हारे सत्य यही हो ।।
गजल ३
सधैं बिदेश धाई धाई जवानी सकियो ।।
प्रियाको स्पर्श नपाई जवानी सकियो ।।
ज्यानलाई ज्यानको आवस्यकता रहेपनि,
च्याटमै रमाई रमाई जवानी सकियो ।।
बाबाको यै आग्रहले दिनहुँ झस्काइरहेछ ,
बाबू क्यै गर देशमा आई जवानी सकियो ।।
परिवार,आफन्त खुसी राख्न परदेश आए ,
कसैको चित्त नबुझाई जवानी सकियो।।
ए नारी हो कति रुप धनकै पछि दौडिन्छौ ,
बुझ कोही त सूर्यलाई जवानी सकियो ।।
गजल ४
चिप्लो नघस्नु नजीक आई समयले बताउनेछ ।।
को आफ्नो को हो पराई समयले बताउनेछ ।।
जा जा भन्यौं टेको दियौं माथी पुग्नुपर्छ भनी ,
ढाल्यौ फेद रुख चढाई समयले बताउनेछ ।।
आफ्नै मान्छे सम्झिएर सारा कुरा सुम्पिदिए ,
प्यासी रैछौ गयौं अघाई समयले बताउनेछ ।।
मलाई जस्तै तिम्लाई पनि उस्ले चोट दियो भने ,
कस्तो हुन्छ प्यारको दुखाई समयले बताउनेछ ।।
फूल चढाइ पाती चढाइ नमो सूर्य भन्यौ पहिले,
ग्रहण लाग्दा छोड्यौ मलाई समयले बताउनेछ।।
